काठमाण्डू, १० साओनः शिक्षा तथा खेलकुदमन्त्री सस्मित पोखरेल त्रिभुवन विश्वविद्यालय व्यवस्थापन सङ्कायअन्तर्गत एमबिएस प्रथम सत्रके परीक्षाके प्रश्नपत्र सार्वजनिक करबाक घटनामे संलग्न दोषीकेँ कानुनी कारबाही करबाक बतौलैन अइछ ।
मन्त्रालयमे आइ सञ्चारकर्मीसभसँ बातचित करैत मन्त्री पोखरेल उक्त घटनामे संलग्न दू गोटेकेँ नेपाल प्रहरी नियन्त्रणमे ल अनुसन्धान सुरु कएने जानकारी देलैन । हुनक कहब अनुसार प्रश्नपत्र सार्वजनिक भेल जानकारी प्राप्त भेलाक बाद गृह मन्त्रालय आ नेपाल प्रहरीसँ समवंय क तत्काल निगरानी बढ़ाएल गेल छल ।
विगतमे सेहो अइ प्रकारक घटना भेल उल्लेख करैत मन्त्री पोखरेल अइ बेर तत्काल कारबाही प्रक्रिया सुरु कएल गेल आ सुशासन विरोधी गतिविधिमे संलग्न व्यक्तिकेँ कानुनबमोजिम कारबाही करबाक स्पष्ट केलैन । घटनाके विस्तृत अनुसन्धानके बाद सत्यतथ्य सार्वजनिक करबाक ओ बतौलैन ।
प्रश्नपत्र सार्वजनिक कएने आरोपमे नेपाल प्रहरीके केन्द्रीय अनुसन्धान ब्युरो (सिआइबी) दू गोटेकेँ नियन्त्रणमे ल थप अनुसन्धान क रहल अइछ । इएह साओन ८ गते सञ्चालन भेल एमबिएस प्रथम सत्रके ‘अर्गनाइजेशनल बिहेबियर’ विषयके परीक्षा सुरु भेलाक किछुए मिनेटमे प्रश्नपत्र सामाजिक सञ्जालमे सार्वजनिक भेल छल । (रासस)
